Baroma

⁴hobane Kreste ke phetho ya molao, ho bea ya lokileng mang le mang ya dumelang. ⁵Hobane Moshe o lekantse ho loka ho tswang molaong ka ho re: Motho ya etsang ntho tseo, o tla phela ke tsona. ⁶Empa ho loka ho tswang tumelong ho bolela, ho re: O se ke wa re pelong ya hao: Ke mang ya tla nyolohela lehodimong? Ho rialo, ke ho theola Kreste teng; ⁷kapa: Ke mang ya tla theohela mokoting? Ho rialo, ke ho nyolla Kreste bafung. ⁸Empa ho reng? Ho re: Polelo e haufi le wena, e molomong wa hao, e ka pelong ya hao; ke yona polelo ya tumelo eo re le bolellang yona, ⁹e reng: Ekare ha o bolela ka molomo wa hao hobane Jesu ke Morena, mme o dumela pelong ya hao hobane Modimo o mo tsositse bafung, o tla bolokeha. ¹⁰Hobane motho o dumela ka pelo, hore a bewe ya lokileng, mme o bolela ka molomo, hore a bolokehe.