Baroma

⁸Empa ho reng? Ho re: Polelo e haufi le wena, e molomong wa hao, e ka pelong ya hao; ke yona polelo ya tumelo eo re le bolellang yona, ⁹e reng: Ekare ha o bolela ka molomo wa hao hobane Jesu ke Morena, mme o dumela pelong ya hao hobane Modimo o mo tsositse bafung, o tla bolokeha. ¹⁰Hobane motho o dumela ka pelo, hore a bewe ya lokileng, mme o bolela ka molomo, hore a bolokehe. ¹¹Hobane Lengolo le re: Mang le mang ya dumelang ho yena ha a ka ke a swaba. ¹²Hobane moo ha ho kgethwe Mojuda le Mogerike, kahobane Morena wa bohle o mong, ya ruetseng ho sitsa bohle ba bitsang ho yena. ¹³Hobane mang le mang ya rapelang lebitso la Morena, o tla bolokeha. ¹⁴Empa ba tla rapela jwang eo ba sa kang ba dumela ho yena? Mme ba tla dumela jwang ho eo ba sa kang ba utlwa ditaba tsa hae? Mme ba tla utlwa jwang, ha mmoledi a le siyo?