Baroma

²⁵Hobane, banabeso, ha ke rate hore le se ke la tseba sephiri sena, le tle le se ke la ipona le le bohlale: ke ho re, ho thatafala ho hlahetse Baiseraele ka nqa e nngwe, ho tlala ha baditjhaba ho be ho kene. ²⁶Mme ka mokgwa oo, Baiseraele bohle ba tla bolokeha, jwalokaha ho ngodilwe, ho thwe: Molopolli o tla tswa Sione, mme o tla tlosa nyefolo ho Jakobo; ²⁷mme ke sona selekane seo ke tla ba etsetsa sona, mohla ke tlosang dibe tsa bona. ²⁸Efela ka nqa ya Evangeli ke dira ka baka la lona, empa ka nqa ya boikgethelo, ke baratuwa ka baka la bontatemoholo. ²⁹Hobane dineo tsa Modimo le pitso ya wona ha di na ho kwenehelwa ke wona. ³⁰Hobane jwalokaha le lona pele le ne le sa dumele Modimo, athe jwale le hauhetswe ka baka la ho se dumele ha bona, ³¹ka mokgwa o jwalo, le bona ba fetohile jwale ba sa dumeleng, ba tle ba hauhelwe le bona ka kgauhelo e le hlahetseng.