Baroma

²¹Ho mpe ho be jwalokaha ho ngodilwe, ho thwe: Bao a neng a eso ho ka a bolelwa ho bona, ba tla bona, le ba neng ba eso ho ka ba utlwa taba tsa hae, ba tla utlwisisa. ²²Ke yona taba e nthibetseng hangata ho le etela. ²³Empa jwale, haele moo ke se ke se na sebaka naheng tsena, mme kahobane esale kentse ke lakatsa ho le etela, e se e le dilemo tse ngata, ²⁴ke tla le etela ha ke ya Spania; hobane ke tshepile hore ke tla le bona, ha ke haola naha ya lona, le hore ke lona le tla nkisa teng, ha ke se ke kgotswe hanyenyane ke lona. ²⁵Haele jwale, ke ya Jerusalema, ho ya sebeletsa bahalaledi. ²⁶Hobane ba Masedonia le ba Akaea ba ratile ho bokella dithuso tse tla abelwa bahalaledi ba fumanehileng ba Jerusalema. ²⁷Ke re, ba ratile, athe ba fela ba le molato ho bona ruri; hobane baditjhaba ha ba abetswe menono ya bona ya moya, le bona ba tshwanetse ho ba abela menono ya nama.