Baroma

³Hobane Lengolo le reng? Le re: Abrahama a dumela ho Modimo, mme a ballwa tumelo eo hoba ke ho loka. ⁴Haele moputso wa ya sebetsang, ha o balwe hore ke mohau empa ho thwe, ke molato. ⁵Athe ya sa sebetseng, a mpa a dumela ho ya beang moetsadibe ya lokileng, tumelo ya hae o e ballwa hoba ke ho loka; ⁶jwalokaha Davida le yena a bolela lehlohonolo la motho eo Modimo o mmeang ya lokileng kantle ho mesebetsi, ha a re: ⁷Ho lehlohonolo ba leseletsweng makgopo a bona, bao dibe tsa bona di apesitsweng! ⁸Ho lehlohonolo monna eo Morena a sa mmalleng sebe sa hae! ⁹Hleka lehlohonolo leo le tlela ba lebollo ba nnotshi, na ha le tlele le bona ba sa bollang na? Re tswa re: Abrahama o kile a ballwa tumelo hoba ke ho loka.