Baroma

¹¹Hobane sebe, ka ho nka sebaka taelong, sa nthetsa, mme sa mpolaya ka yona. ¹²Ha ho le jwalo, jwale, haele molao, wona o a halalela, le taelo e a halalela, e lokile, e molemo. ¹³Hleka se leng molemo se mphetohetse lefu na? Ho se ke ha thualo! Empa sebe se mpolaile ka ntho e molemo, hore se tle se bonahale hoba ke sebe, le hore sebe se hlahise bobe ba sona ka ho fetisisa ka baka la taelo. ¹⁴Hobane re a tseba hore molao ke wa moya, empa nna ke wa nama, ke reketswe hore ke be mohlanka wa sebe. ¹⁵Hobane seo ke se etsang ha ke se tsebe; hobane ha ke etse seo ke se ratang, empa ke etsa seo ke se hloileng. ¹⁶Mme ha ke etsa seo ke sa se rateng, ka sona ke dumela hoba molao o molemo. ¹⁷Mme jwale, ha e sa le nna ke se etsang, empa e le sebe se ahileng ka ho nna.