Baroma

¹⁹Hobane molemo oo ke o ratang, ha ke o etse, empa bobe boo ke sa bo rateng, bona ke a bo etsa. ²⁰Mme ha ke etsa seo ke sa se rateng, ha e sa le nna ke se etsang, empa e le sebe se ahileng ka ho nna. ²¹Ke moo ke fumanang molao ka ho nna ya ratang ho etsa botle, wa hore bobe bo nkgomaretse. ²²Hobane haele ka motho wa kahare, ke thabela molao wa Modimo; ²³empa ke fumana molao osele dithong tsa ka, o lwantshanang le molao wa kelello ya ka, o mpofellang molaong wa sebe, o dithong tsa ka. ²⁴Ke motho ya soto hakakang! Ke mang ya tla ngkolla mmeleng wona wa lefu? ²⁵Ke leboha Modimo ka Jesu Kreste, Morena wa rona!