Baroma

¹¹Mme ha Moya wa ya tsositseng Jesu bafung o ahile ka ho lona, ya tsositseng Kreste bafung o tla phedisa le mmele ya lona e shwang, ka Moya wa hae o ahileng ka ho lona. ¹²Ka baka leo, banabeso, ha re molato ho nama, hore re phele ka thato ya nama. ¹³Hobane ha le phela ka thato ya nama, le tla shwa; empa ha le bolaya mesebetsi ya mmele ka Moya, le tla phela. ¹⁴Hobane bohle ba tsamaiswang ke Moya wa Modimo, bona ke bana ba Modimo. ¹⁵Hobane ha le a ka la newa moya wa bohlanka, hore tshabo e boele e be teng, le mpa le neilwe Moya wa ba bewang bana, oo re bitsang Abba! Ntate! ka wona. ¹⁶Le wona Moya o emelana le moya wa rona, hore re bana ba Modimo. ¹⁷Mme ha re le bana, re majalefa: majalefa a Modimo, le majalefa hammoho le Kreste, ha re fela re utlwa bohloko le yena, re tle re newe kganya le yena.