Baroma

¹¹Hobane enere ha mafahla a eso ho tswalwe, a eso ho etse botle, leha e le bobe, — hore ho tle ho bonahale hoba morero wa Modimo, ha o kgethile motho, o tiile, e seng ka mesebetsi, empa e le ka thato ya ya bitsang, — ¹²ho kile ha thwe ho yena Rebeka: E moholo o tla sebeletsa e monyenyane. ¹³Jwalokaha ho ngodilwe, ho thwe: Ke ratile Jakobo, mme ke hloile Esau. ¹⁴Jwale, re tla reng? Hleka bokgopo bo teng ho Modimo na? Ho se ke ha thualo! ¹⁵Empa o kile wa re ho Moshe: Ke tla hauhela eo ke mo hauhelang, mme ke tla rekolohela eo ke mo rekolohelang. ¹⁶Ka baka leo, hase taba ya ya ratang, leha e le ya ya mathang, empa e le ya Modimo o hauhelang. ¹⁷Hobane Lengolo le itse ho Faro: Seo ke o hlahisitseng ka baka la sona, ke hore ke bonahatse matla a ka ka wena, mme ke tumise lebitso la ka ka wena lefatsheng lohle.