Baroma

⁶Leha ho le jwalo, hase hore lentswe la Modimo le wele; hobane hase bohle ba tswileng ho Iseraele e leng Baiseraele. ⁷Hape, le bao e leng ba leloko la Abrahama hase bana ba hae kaofela; empa ho itswe: O tla biletswa leloko le tswang ho Isaaka: ⁸ke ho re, bao e leng bana ba nama hase bona e leng bana ba Modimo; empa bana ba pallo ke bona ba balwang leloko. ⁹Hobane lentswe la pallo ke lona lena: Ke tla tla ka nako e jwaloka ya jwale, mme Sara o tla ba le mora. ¹⁰Mme hase hoo feela; empa le yena Rebeka o kile a emola ka a le mong, e leng Isaaka, ntata rona. ¹¹Hobane enere ha mafahla a eso ho tswalwe, a eso ho etse botle, leha e le bobe, — hore ho tle ho bonahale hoba morero wa Modimo, ha o kgethile motho, o tiile, e seng ka mesebetsi, empa e le ka thato ya ya bitsang, — ¹²ho kile ha thwe ho yena Rebeka: E moholo o tla sebeletsa e monyenyane.