1 Bakorinthe

¹ Ke le Pauluse, ya bitsitsweng ho ba moapostola wa Jesu Kreste, ka ho rata ha Modimo, ke ena le Sosthene, ngwaneso, ²ke ngolla kereke ya Modimo e Korinthe, e leng ba halaleditsweng ho Jesu Kreste, ba bileditsweng ho halalela, hammoho le bohle ba rapelang nqalong tsohle lebitso la Morena wa rona Jesu Kreste, e leng Morena wa bona le wa rona; ³ke re: Le newe mohau le kgotso ke Modimo Ntata rona, le ke Morena Jesu Kreste. ⁴Ke leboha Modimo wa ka kamehla bakeng sa lona, ha ke hopola mohau wa Modimo, oo le o neilweng ho Jesu Kreste. ⁵Hobane le filwe ho yena monono dinthong tsohle, monono wa mantswe wohle le wa tsebo yohle; ⁶kamoo bopaki ba Jesu Kreste bo tiisitsweng kateng, ka ho lona. ⁷Ke ka hona le sa hlokeng mpho ya mohau leha e le nngwe, lona bao le lebeletseng ponahatso ya Morena wa rona Jesu Kreste;