1 Bakorinthe

¹⁰Hape, le se ke la korotla jwaloka ba bang hara bona ba kileng ba korotla, mme ba bile ba timetswa ke motimetsi. ¹¹Efela taba tseo tsohle di ne di ba hlahele hore e be ditemoso, mme di ngodilwe hore re ithute ka tsona, rona ba hlahetsweng ke mehla ya bofelo. ¹²Ka baka leo, ya lekanyang hore o sa eme, a ke a iponele hore a se ke a wa. ¹³Ha le eso ho ka le hlahelwa ke moleko o sa lekaneng motho; empa Modimo o a tshepeha, o ke ke wa dumela hore le hlahelwe ke moleko o ka le sitang; empa moleko ha o le teng, o tla le etsetsa le sebaka sa ho tswa ho wona, le tle le tsebe ho o jara. ¹⁴Ka baka leo, baratuwa ba ka, le ke le tshabe tshebeletso ya ditshwantsho. ¹⁵Ke bua le lona kaha le le batho ba nang le kelello; ikahloleleng seo ke se bolelang. ¹⁶Senwelo sa hlohonolofatso seo re se lebohang, na hase kopano le madi a Kreste na? Le bohobe boo re bo ngwathang, na hase kopano le mmele wa Kreste na?