1 Bakorinthe

²⁷Ka baka leo, mang le mang ya jang bohobe boo, kapa ya nwelang senwelong sa Morena ka mokgwa o sa tshwanelang, o tla ba le molato wa mmele le wa madi a Morena. ²⁸Motho ka mong a ke a itekole ke hona, mme jwale e be hona a jang bohobe bona, a nwelang senwelong sena. ²⁹Hobane ya jang, le ya nwang ka mokgwa o sa tshwanelang, o itjella, o inwella tsuo, hobane a sa lemohe mmele wa Morena. ³⁰Ke ka baka leo ho nang le ba bangata ba fokolang, le ba kulang hara lona; mme ba bangata ba se ba bile ba shwele. ³¹Hobane hoja re a ikahlola, ke moo re ka beng re sa ahlolwe. ³²Empa ha re ahlolwa, re lauwa ke Morena, re tle re se ke ra tsuwa le lefatshe. ³³Ha ho le jwalo, banabeso, ha le phuthehela ho ja, le ke le letane.