1 Bakorinthe

²Le a tseba hoba le ne le le bahetene ba hulelwang ditshwantshong tse sa bueng, kamoo le neng le hulanngwa kateng. ³Ke moo ke le tsebisang hoba ha ho motho, ya buang ka Moya wa Modimo, ya ka bitsang Jesu anathema, mme ha ho e mong ya ka bitsang Jesu Morena, haese ka Moya o Halalelang. ⁴Dineo tsona di arohane, empa Moya o mong feela. ⁵Ditshebeletso le tsona di arohane, empa Morena o mong feela. ⁶Le diketso di arohane, empa Modimo o mong feela, o sebetsang tsohle ho bohle. ⁷Mme ponahatso ya Moya e newa e mong le e mong, e tle e be molemo wa bohle. ⁸Hobane e mong o newa ke Moya puo ya bohlale; e mong o newa puo ya tsebo ke Moya wona oo.