1 Bakorinthe

²¹Leihlo le ke ke la re ho letsoho: Ha ke o hloke; hape, hlooho e ke ke ya re ho maoto: Ha ke le hloke. ²²Tjhe, empa ditho tsa mmele tseo e kang di fetisa ka ho fokola, ke tsona tse hlokwang haholo. ²³Mme ditho tsa mmele tseo re lekanyang hoba ha di na ho hlonephuwa, ke tsona tseo re di apesang ka hlonepho, mme ditho tsa rona tse leng mpe, ke tsona tse nang le hlompho e tlodisang. ²⁴Hobane ditho tsa rona tse ntle ha di batle kgabiso; empa Modimo o kopantse mmele jwalo, o hlomphisitse ka ho fetisa ho neng ho hloka hlompho; ²⁵hore kgaohano e tle e se ke ya eba teng mmeleng, ditho di mpe di baballane. ²⁶Mme setho se seng ha se utlwa bohloko, ditho tsohle di utlwa bohloko le sona; leha setho se seng se tlotliswa, ditho tsohle di thaba le sona. ²⁷Haele lona, le mmele wa Kreste, mme le ditho tse ding tsa hae.