3 Ke moo ke le tsebisang hoba ha ho motho, ya buang ka Moya wa Modimo, ya ka bitsang Jesu anathema, mme ha ho e mong ya ka bitsang Jesu Morena, haese ka Moya o Halalelang.
4 Dineo tsona di arohane, empa Moya o mong feela.
5 Ditshebeletso le tsona di arohane, empa Morena o mong feela.
6 Le diketso di arohane, empa Modimo o mong feela, o sebetsang tsohle ho bohle.
7 Mme ponahatso ya Moya e newa e mong le e mong, e tle e be molemo wa bohle.
8 Hobane e mong o newa ke Moya puo ya bohlale; e mong o newa puo ya tsebo ke Moya wona oo.
9 E mong o fuwa tumelo ke wona Moya oo; e mong o fuwa ke Moya wona oo dineo tsa ho fodisa.