1 Bakorinthe

²Mme leha nka ba le neo ya boporofeta, kapa leha nka tseba diphiri tsohle le bohlale bohle, leha nka ba le tumelo yohle, ka ba ka falatsa le dithaba, ha ke se na lerato, ha ke letho. ³Mme leha nka aba maruo a ka wohle, ka fana ka wona, kapa leha nka tela mmele wa ka hore o tjheswe, ha ke se na lerato, tseo ha di nthuse letho. ⁴Lerato le sebete, le mosa; lerato ha le na mona; lerato ha le na boikgantsho; ha le ikgohomose. ⁵Ha le etse ho swabisang, ha le ipatlele tsa lona, ha le halefe, ha le hopole bobe. ⁶Ha le thabele bokgopo, le mpa le thabela nnete. ⁷Le mamella tsohle, le dumela tsohle, le tshepa tsohle, le jara tsohle. ⁸Lerato ha le ka ke la timela le ka mohla o le mong. Athe haele boporofeta, bo tla fela; leha e le dipuo, di tla lesa ho ba teng, le yona tsebo e tla fela.