1 Bakorinthe

¹²Mme jwale lona, haele mona le tjhesehella dineo tsa Moya, batlang ho atelwa ke tse ka hahisang kereke. ¹³Ka baka leo, ke re: Ya buang ka puo a rapele hore a tsebe ho fetola. ¹⁴Hobane ekare ha ke rapela ka puo, moya wa ka o a rapela, empa kelello ya ka ha e sebetse letho. ¹⁵Nka etsa jwang na? Ke tla rapela ka moya, mme le hona ke tla rapela ka kelello; ke tla bina ka moya, mme le hona ke tla bina ka kelello. ¹⁶Ha ho se jwalo, ekare ha o leboha ka moya, ana ya dutseng setulong sa ya sa tsebeng a ka tiisa jwang teboho ya hao ka amen ya hae, haele mona a sa tsebe seo o se bolelang? ¹⁷Efela wena o leboha hantle, empa e mong ha a hahiswe ke hona. ¹⁸Ke boka Modimo wa ka, hobane ke bua ka dipuo ho fetisa lona bohle.