1 Bakorinthe

²⁴Empa ekare ha bohle ba porofeta, leha ho ka kena motho ya sa dumelang, leha e le ya sa tsebeng, eba o kgodiswa ke bohle, mme o ahlolwa ke bohle. ²⁵Mme ka mokgwa o jwalo, makunutu a pelo ya hae a bonahatswa, mme o tla itihela fatshe ka sefahleho, a rapele Modimo, mme a bolele hore Modimo o hara lona ka sebele. ²⁶Ana ke re, ho be jwang, banabeso? Ke re: Kamehla yohle ha le phutheha, e mong le e mong ho lona o na le pesaleme, leha e le thuto, kapa puo, leha e le tshenolo, leha e le phetolo; tsohle di etsetswe kgahiso. ²⁷Mme ekare ha e mong a bua ka puo, ho etswe jwalo ke ba babedi, boholo e be ba bararo, mme ho etswe ka ho latelana; mme e mong a fetole. ²⁸Ekare ha mofetodi a le siyo, motho eo a ikgutsetse kerekeng, a ipuele a nnotshi, a bue le Modimo. ²⁹Ho bolele baporofeta ba babedi, leha e le ba bararo, mme ba bang ba ahlole se bolelwang. ³⁰Mme ekare ha e mong wa ba dutseng a newa tshenolo, ya emeng pele a kgutse.