1 Bakorinthe

⁴⁶Mme seo e leng sa moya hase sa pele, sa pele ke seo e leng sa nama, mme se latelwa ke seo e leng sa moya. ⁴⁷Motho wa pele e ne e le wa lefatshe, o entswe ka mobu, empa motho wa bobedi, e leng Morena, o tswile lehodimong. ⁴⁸Mme kamoo wa lefatshe a leng kateng, le ba lefatshe ba jwalo; mme kamoo wa lehodimo a leng kateng, le ba lehodimo ba jwalo. ⁴⁹Mme jwalokaha re apere setshwantsho sa wa lefatshe, re tla apara jwalo setshwantsho sa wa lehodimo. ⁵⁰Seo ke mpang ke se bolela, banabeso, ke hoba nama le madi di ke ke tsa eja lefa la mmuso wa Modimo, mme ho bola ho ke ke ha eja lefa la ho sa boleng. ⁵¹Bonang, ke le bolella sephiri: ha re ka ke ra robala bohle, empa re tla fetoha bohle, ⁵²hang, ka ho panya ha leihlo, ka terompeta ya morao; hobane terompeta e tla lla, mme bafu ba tla tsoha, ba se ke ba boela ba bola, mme le rona re tla fetoha.