1 Bakorinthe

¹⁸Motho a se ke a ithetsa; ekare ha e mong hara lona a itekanya hoba o bohlale lefatsheng lena, a ke a fetohe lehlanya, hore a tle a fetohe ya bohlale. ¹⁹Hobane bohlale ba lefatshe lena ke bohlanya pela Modimo; hobane ho ngodilwe, ho thwe: O tshwasa ba bohlale manong a bona. ²⁰Hape, ho itswe: Morena o tseba mehopolo ya ba bohlale hobane ke bosawana. ²¹Ha ho le jwalo, motho a se ke a ithorisa ka batho; hobane tsohle ke tsa lona, ²²leha e le Pauluse, leha e le Apolose, leha e le Kefase, leha e le lefatshe, leha e le ho phela, leha e le ho shwa, leha e le tsa jwale, leha e le tse tla tla; tsohle ke tsa lona, ²³lona le ba Kreste, mme Kreste ke wa Modimo.