1 Bakorinthe

¹⁷Empa motho ka mong a tsamaye kamoo Morena a mo abetseng kateng, le kamoo Modimo o mmitsitseng kateng. Ke laela dikereke tsohle jwalo. ¹⁸Motho ha a bitsitswe a bolotse, a se ke a ipusetsa boqaing; motho ha a bitsitswe a eso ho ka a bolla, a se ke a bolla. ¹⁹Lebollo hase letho, le boqai hase letho, empa eo e leng taba ke ho boloka melao ya Modimo. ²⁰Motho ka mong a ke a dule kabelong eo a neng a le ho yona, mohla a bitswang. ²¹Hleka o bitsitswe o le ya ruilweng na? O se ke wa belaela ke hona. Empa ha o ka lokollwa, o mpe o ikgethele hona. ²²Hobane ya bitsitsweng ke Morena e le moruwa, ke molokollwa wa Morena; le yena ya bitsitsweng e le molokollwa, ke moruwa wa Kreste. ²³Le rekilwe ka theko; le se ke la fetoha baruwa ba batho.