1 Bakorinthe

¹⁹Lebollo hase letho, le boqai hase letho, empa eo e leng taba ke ho boloka melao ya Modimo. ²⁰Motho ka mong a ke a dule kabelong eo a neng a le ho yona, mohla a bitswang. ²¹Hleka o bitsitswe o le ya ruilweng na? O se ke wa belaela ke hona. Empa ha o ka lokollwa, o mpe o ikgethele hona. ²²Hobane ya bitsitsweng ke Morena e le moruwa, ke molokollwa wa Morena; le yena ya bitsitsweng e le molokollwa, ke moruwa wa Kreste. ²³Le rekilwe ka theko; le se ke la fetoha baruwa ba batho. ²⁴Banabeso, motho ka mong a dule pela Modimo kabelong eo a neng a le ho yona, mohla a bitswang. ²⁵Jwale, haele ka taba ya barwetsana, teng ha ke na molao wa Morena; ke mpa ke hlahisa molomo wa ka, kamoo ke leng motho ya hauhetsweng ke Morena kateng, hore ke tshepehe.