1 Bakorinthe

³¹le ba itshebeletsang ka tsa lefatshe lena, ba be jwaloka hoja ba sa sebetse ka tsona; hobane mokgwa wa lefatshe lena o a fela. ³²Nka rata hore le hloke pelaelo. Ya sa nyalang o hlokomela tseo e leng tsa Morena, le kamoo a ka kgahlisang Morena kateng. ³³Empa ya nyetseng o hlokomela tsa lefatshe lena, le kamoo a ka kgahlisang mosadi wa hae kateng. ³⁴Mosadi ya nyetsweng le morwetsana ha ba tshwane. Ya sa nyalwang o hlokomela tsa Morena, a tle a halalele mmeleng le moyeng; empa ya nyetsweng o hlokomela tsa lefatshe lena, le kamoo a ka kgahlisang monna wa hae kateng. ³⁵Ke rialo ka ho lekanya se ka bang molemo ho lona, e seng ho le tjheha ka leraba; e le hore le mpe le etse ka hlokomelo, mme le sebeletse Morena le sa horeletswe ke letho. ³⁶Empa ekare ha motho a lekanya hobane e ka ba ntho e dihlong ho moradi wa hae ha a ka feta palesa ya botjha ba hae a eso ho nyalwe, mme a tshwanetse ho nyalwa, a etse seo a se ratang; ha a etse sebe; ha ba ke ba nyalwe. ³⁷Empa ya tiyang pelong ya hae, ya sa thibelwang ke letho, a mpa a iketsetsa ka ho rata, ya rerileng pelong ya hae hore moradi wa hae o tla dula ho yena, o etsa hantle.