2 Bakorinthe

⁹etswe ke le ngoletse hore ke tle ke le leke, mme ke tsebe hobane na nthong tsohle le a nkutlwa. ¹⁰Eo le mo rekolohelang le nna ke a mo rekolohela; hobane le nna ha ke leballa motho molato, ke mo leballa wona ka baka la lona, mahlong a Kreste; ¹¹re tle re se ke ra tlatlapuwa letho ke Satane, hobane re hlile re tseba merero ya hae. ¹²Mme mohla ke tlileng Trowase ho bolela Evangeli ya Kreste, leha nkile ka bulelwa monyako teng ke Morena, ¹³ha ke a ka ka iketla moyeng wa ka, kahobane ha ke a ka ka fumana Tite, ngwaneso; ka mpa ka ba dumedisa, ka ntoo ikela Masedonia. ¹⁴Ho roriswe Modimo o re neang ho hlola kamehla ka Kreste, o hasetsang hohle ka rona monkgo wa tsebo ya wona! ¹⁵Hobane ho Modimo re monkgo o monate wa Kreste hara ba bolokehang le hara ba timelang: