2 Bakorinthe

⁶ka ho hlweka, ka tsebo, ka sebete, ka mosa, ka Moya o Halalelang, ka lerato le se nang boiketsiso, ⁷ka lentswe la nnete, ka matla a Modimo, re ithusa ka dihlomo tsa ho loka tse tshwarwang ka letsoho le letona le ka le letshehadi; ⁸hara hlompho, le hlomphollo, hara diketselletso le botumo bo botle; ⁹jwaloka hoja re le bathetsi, athe re ba nnete; jwaloka hoja re le ba sa tsejweng, athe re a tsejwa; jwaloka hoja re a shwa, athe re a phela; jwaloka hoja re a lauwa, empa ha re bolawe; ¹⁰jwaloka hoja re hlomohile, athe re thabile kamehla; jwaloka hoja re a fumaneha, athe re ruisa ba bangata; jwaloka hoja ha re na letho, athe re ruile ntho tsohle. ¹¹Helang! lona Bakorinthe, molomo wa rona o le ahlametse, pelo tsa rona di le ahlametse. ¹²Ha le a patisana ka teng ho rona, empa le patisane ka maleng a lona.