1 Esdrase a re a sa ntsane a rapela, a ipolela, a lla a kgumame pela ntlo ya Modimo, ha bokana ho yena phutheho e kgolo haholo ya Baiseraele, ho le banna le basadi le bana; setjhaba se ne se lla habohloko haholo.
2 Yaba Shekania, mora Jehiele, wa bara ba Elame, o bua, a re ho Esdrase: Re ikgantsheditse Modimo wa rona, re nyetse basadi basele ba ditjhaba tsa lefatshe lena; leha ho le jwalo, tshepo e sa le teng bakeng sa Iseraele hodima taba eo.
3 A re keng re hlabe selekane le Modimo wa rona, sa ho kgutlisa basadi bao bohle le bana ba tswetsweng ke bona, jwalokaha ho eleditse monghadi wa ka le ba thothometswang ke molao wa Modimo wa rona, mme hona ho ke ho etswe ka molao.
4 Ema, hobane taba ena ke ya hao; re tla o emela, o iphe matla, o sebetse.
5 Yaba Esdrase o ema, a hlaphantsha dihlooho tsa baprista le tsa Balevi le tsa Baiseraele bohle, hore ba tle ba etse ka polelo eo; mme ba hlapanya.
6 Esdrase a ntoo tloha pela ntlo ya Modimo, a kena kamoreng ya Johanane, mora Eliashibe. Eitse hobane a kene teng, a se ke a ja bohobe, a se ke a nwa metsi, kahobane a ne a hlomohile ke boikgantsho jwa ba kgutlileng kgolehong.
7 Yaba ba hlabela bohle ba kgutlileng kgolehong mokgosi, Juda le Jerusalema, ha thwe, ba phuthehele Jerusalema;
8 le hore mang le mang ea sa tleng ka tshiu tse tharo, ka morero wa dihlooho le baholo ntho tsohle tsa hae di tle di jewe, yena a tle a kgaolwe phuthehong ya ba kgutlileng kgolehong.
9 Yaba batho bohle ba Juda le ba Benjamine ba phuthehela Jerusalema ka tshiu tse tharo, e le ka kgwedi ya boroba mono o le mong, ka letsatsi la mashome a mabedi la kgwedi; setjhaba sohle sa tla, sa dula lepatlelong le pela ntlo ya Modimo, se ntse se thothomela ka baka la taba e leng teng le ka baka la dipula.
10 Yaba moprista Esdrase o ema, a re ho bona: Le ikgantshitse ka ho nyala basadi basele, mme kahoo le ekeditse molato wa Iseraele.
11 Jwale ipoleleng molato wa lona pela Jehova, Modimo wa bontata lona, le etse thato ya hae, le ikgethe ho ditjhaba tsa lefatshe le ho basadi basele.
12 Yaba phutheho yohle e araba ka mantswe a phahameng, ya re: E, e ka kgona re etse jwalokaha o boletse.
13 Empa setjhaba se seholo; hape, ke nako ya dipula tse kgolo; ha ho kamoo re ka emang kantle kateng; hape, hase mosebetsi wa tsatsi le le leng, kapa wa matsatsi a mabedi, re tswe re le bangata haholo ba sitilweng tabeng ena.
14 A ho ke ho eme dihlooho tsa rona bakeng sa phutheho yohle, mme bohle ba nyetseng basadi basele metseng ya bona ba ke ba tle ka dinako tse tla bewa, ba tle ba ena le baholo ba motse o mong le o mong le baahlodi ba bona, ho fihlela bohale ba kgalefo ya Modimo wa rona bo ba bo kgeloswa hodima rona bakeng sa taba ena.
15 Empa Jonathane, mora Asaele, le Jahsia, mora Thikva, ba hana moo, ba emelwa ke Meshullame le Molevi Shabthai.
16 Haele ba kgutlileng kgolehong, bona ba etsa. Moprista Esdrase, le banna ba bang, bao e leng dihlooho tsa matlo a bontata bona, ba kgethwa ka matlo a bontata bona, mme bohle ba bolelwa ka mabitso a bona. Ba tla hammoho ka tsatsi le qalang kgwedi ya leshome, ho botsisisa taba ena.
17 Ka tsatsi le qalang kgwedi ya pele, ba qetella taba tsa banna ba nyetseng basadi basele.
18 Ha fumanwa bara ba bang ba baprista ba nyetseng basadi basele. Ho bara ba Joshua, mora Jotsadake, le ho banababo, ke Maaseia, Eliesere, Jaribe, le Gedalia.
19 Bona ba ntsha matsoho, ba itlama jwalo hore ba tla kgutlisa basadi ba bona; mme kahobane ba ne ba le molato, ba hlabela molato wa bona sehlabelo sa pheleu e ntjha.
20 Ho bara ba Immere, ke Hanani, le Sebadia.
21 Ho bara ba Harime, ke Maaseia, Elia, Shemaia, Jehiele, le Osiase.
22 Ho bara ba Pashkure, ke Eliwenai, Maaseia, Ishmaele, Nethaneele, Josabade, le Eleasa.
23 Ho Balevi, ke Josabade, Shimei, le Kelaia, kapa Kelitha, Pethahia, Juda le Eliesere.
24 Hara dibini, ke Eliashibe.Ho balebedi ba menyako, ke Shallume, le Theleme, le Uri.
25 Haele Baiseraele, ho bara ba Pareoshe, ke Ramia, Jissia, Malkija, Mijamine, Eleasare, Malkija, le Benaia.
26 Ho bara ba Elame, ke Matthania, Sakaria, Jehiele, Abdi, Jeremothe, le Elia.
27 Ho bara ba Satthu, ke Eliwenai, Eliashibe, Matthania, Jeremothe, Sabade, le Asisa.
28 Ho bara ba Bebai, ke Johanane, Hanania, Sabbai le Athlai.
29 Ho bara ba Bani, ke Meshullame, Malluke, Adaia, Jashube, Sheale, le Ramothe.
30 Ho bara ba Pakathe-Moabe, ke Adna, Kelale, Benaia, Maaseia, Matthania, Betsaleele, Binnui, le Manasse.
31 Ho bara ba Harime, ke Eliesere, Jishija, Malkija, Shemaia, Simeone,
32 Benjamine, Maluke, le Shemaria.
33 Ho bara ba Hashume, ke Matthenai, Matthattha, Sabade, Elifelethe, Jeremai, Manasse, le Shimei.
34 Ho bara ba Bani, ke Maadai, Amrame, le Uele,
35 Benaia, Bedeia, Keluhu,
36 Vania, Meremothe, Eliashibe,
37 Matthania, Matthnai, Jaasai,
38 Bani, Binnui, Shimei,
39 Shelemia, Nathane, Adaia,
40 Maknadbai, Shashai, Sharai,
41 Asareele, le Shelemia, Shemaria,
42 Shallume, Amaria, le Josefa.
43 Ho bara ba Nebo, ke Jehiele, Matthitthia, Sabade, Sebina, Jaddai, Joele, le Benaia.
44 Bao kaofela ba ne ba nkile basadi basele, mme ba bang ho bona ba ne ba bile ba tswaletswe bana ke basadi bao.