Levitike

¹⁵etlare hobane moprista a bone nama e petohileng, o tla mmolela hore o sesila; nama e petohileng ke sesila, ke lona lepera. ¹⁶Empa ha nama e petohileng e sweufala, o tla itlhahisa ho moprista; ¹⁷moprista o tla mo tadimisisa, mme ha nama eo e boetse e sweufetse, moprista o tla bolela hore mobabi o hlwekile; o fela a hlwekile. ¹⁸Ekare ha seso se hlahile letlalong la nama ya motho, se ba se fola, ¹⁹mme ho hlaha kokobalo e tshweu bakeng sa sona, kapa letheba le bosweu bo bofubetswana, mobabi o tla tshwanela ho itlhahisa ho moprista. ²⁰Moprista o tla se tadima, mme ha a bona hoba se phobetse ho feta letlalo, le mohwete o ho sona o sweufetse, moprista o tla mmolela hore o sesila; ke sephobe sa lepera le hlahileng kahara seso. ²¹Etlare ha moprista a tadima, mme a bona ho se mohwete o sweufetseng, ho se le sephobe se phobetseng ho feta letlalo, empa se bonahala eka se sobane, moprista o tla mo kwalla tlung ka matsatsi a supileng.