5 Ka letsatsi la bosupa, moprista o tla se tadimisisa, mme ha a bona hobane bohloko bo ntse bo le jwalo, bo sa ka ba keka letlalong, moprista o tla boela a mo kwalle tlung la bobedi, ka matsatsi a supileng;
6 moprista o tla boela a tadime ka letsatsi la bosupa, mme ha a bona hobane leqeba le sobane, mme ha le a ka la keka letlalong, moprista o tla mmolela hore o hlwekile; ke setlapedi feela; a ke a hlatswe diaparo tsa hae, mme o tla hlweka.
7 Empa ekare ha a ne a se a itlhahisitse ho moprista hore a bolelwe hoba o hlwekile, mme setlapedi se boetse se kekile letlalong, o tla boela a itlhahise ho moprista.
8 Moprista o tla boela a mo tadimisise, mme ha setlapedi se kekile letlalong, moprista o tla mmolela hore o sesila; ke lona lepera.
9 Ekare ha motho a jewa ke bohloko ba lepera, o tla iswa ho moprista.
10 Moprista o tla mo tadimisisa. Ha kokobalo e tshweu e le teng letlalong, e sweufaditseng mohwete, mme hodima kokobalo eo ho bonahala nama e petohileng,
11 ke lepera le meletseng letlalong la mmele wa hae; moprista o tla mmolela hore o sesila; a ke ke a mo kwalla tlung, hobane o se a le sesila.