Levitike

²⁶Moprista o tla tshela ole e nngwe koting sa seatla sa hae se setshehadi, sa hae moprista; ²⁷mme ka monwana wa hae wa letsoho le letona, moprista o tla foka ka ole eo a nang le yona ka seatleng se setshehadi, hasupa pela Jehova. ²⁸Moprista o tla bea ole eo a nang le yona seatleng sa hae lereteng la tsebe e tona ya ya itlhatswang, le monwaneng o motona wa letsoho le letona la hae, le monwaneng o motona wa leoto la hae le letona, moo a beileng madi a sehlabelo sa molato. ²⁹Ole e setseng eo a nang le yona seatleng sa hae, moprista o tla e bea hloohong ya ya itlhatswang, a tle a mo etsetse pheko pela Jehova. ³⁰A ntoo hlaba le leng la maebanakgorwana, leha e le le leng la madinyane a maeba, kamoo a ntshitseng kateng; ³¹le leng e be sehlabelo sa sebe, le leng e be setjheso se tla hlahiswa hammoho le nyehelo, mme moprista o tla etsetsa ya itlhatswang pheko pela Jehova. ³²Ke oo molao wa ho itlhatswa oo ya jewang ke lepera a tshwanetseng ho ya ka wona, ha a haellwa.