Levitike

¹Jehova a bua le Moshe le Aarone, a re: ²Bolellang bana ba Iseraele, le re ho bona: Monna e mong le e mong ya nang le ho dutla mmeleng wa hae, o sesila ka baka la ho dutla ha hae. ³Ka baka la ho dutla ha hae o sesila; leha mmele wa hae o keleketlisa ho dutla hoo ha hae, kapa a ho thibela, o sesila. ⁴Diphate tsohle tseo a robalang ho tsona, di sesila, le ntho e nngwe le e nngwe eo a dulang hodima yona, e sesila. ⁵E mong le e mong ya amang diphate tsa hae, o tla hlatswa diaparo tsa hae, a itlhatswe metsing; a be sesila ho isa mantsiboya.