Levitike

⁴Diphate tsohle tseo a robalang ho tsona, di sesila, le ntho e nngwe le e nngwe eo a dulang hodima yona, e sesila. ⁵E mong le e mong ya amang diphate tsa hae, o tla hlatswa diaparo tsa hae, a itlhatswe metsing; a be sesila ho isa mantsiboya. ⁶Ya ka dulang moo monna eo a neng a dutse teng, o tla hlatswa diaparo tsa hae, a itlhatswe metsing; a be sesila ho isa mantsiboya. ⁷Ya amang mmele wa monna eo, o tla hlatswa diaparo tsa hae, a itlhatswe metsing, mme a be sesila ho isa mantsiboya. ⁸Ekare ha ya dutlang a ka tshwela e mong ya hlwekileng ka mathe, eo o tla hlatswa diaparo tsa hae, a itlhatswe metsing, mme o tla ba sesila ho isa mantsiboya. ⁹Qhana efe le efe eo monna eo a kileng a palama ka yona, e tla ba sesila. ¹⁰E mong le e mong ya tlang ho ama ntho efe le efe e neng e le tlasa hae, o tla ba sesila ho isa mantsiboya; ya ileng a e jara e ka kgona a hlatswe diaparo tsa hae, a itlhatswe metsing, mme a be sesila ho isa mantsiboya.