Levitike

²³Etlare hobane le kene naheng ya lona, ha le se le hlomile teng mefuta yohle ya difate tse behang ditholwana, le tla ila ditholwana tsa tsona, jwalokaha eka ha di a bolla; ka dilemo tse tharo di tla ba ho lona jwaloka eka ha di a bolla, mme di ke ke tsa jewa. ²⁴Ka selemo sa bone, ditholwana kaofela tsa tsona di tla kgethelwa Jehova ka thabo. ²⁵Ka selemo sa bohlano le tla itjella ditholwana tsa tsona, mme ya be esale le ikgella tsona. Ke nna Jehova, Modimo wa lona. ²⁶Le se ke la jellela letho le madi. Le se ke la upella, mme le se ke la noha. ²⁷Le se ke la beola moriri wa lona ho o etsa botjhitja, mme o se ke wa beola mathoko a ditedu tsa hao. ²⁸Le se ke la phatsa mmele wa lona ka baka la mofu, mme le se ke la ingola ditshwantsho ka lehare. Ke nna Jehova. ²⁹O se ke wa senya moradi wa hao ka ho mo neela bootswa, esere naha ya senngwa ke bohlola, mme ya tlala bobe.