Levitike

²E re ho bana ba Iseraele: Leha e ka ba mang ho bana ba Iseraele, le ho baditjhaba ba aheletseng hara Iseraele, ya tlang ho ntshetsa Moloke e mong wa bana ba hae, o tla bolawa: baahi ba naha ba tla mo tlepetsa ka majwe. ³Mme nna motho eo ke tla mo tjamela, mme ke tla mo tlosa hara setjhaba sa habo; hobane o neetse Moloke e mong wa bana ba hae, mme o tshetse jwalo nqalo e halalelang ya ka ditshila; o nyefotse lebitso la ka le halalelang. ⁴Ekare ha baahi ba naha ba sa re letho ka ketso ya motho ya neetseng Moloke e mong wa bana ba hae, mme ba sa mmolaye, ⁵nna, motho eo ke tla mo tjamela le leloko la hae; ke tla mo tlosa hara setjhaba sa habo, yena le bohle ba mo latelang bootsweng ba hae ho ya boka le Moloke. ⁶Ekare ha motho a kgelohela ho ba bitsang bafu, le ho dinohe, ho ya boka le bona, motho eo ke tla mo tjamela, ke mo tlose hara setjhaba sa habo. ⁷Le ikgalaletse ke hona, le be le kgethehe, hobane ke nna Jehova, Modimo wa lona. ⁸Le boloke melao ya ka, le ye ka yona. Ke nna Jehova ya le halaletsang.