Levitike

¹¹Empa ekare ha moprista a itheketse mohlanka ka tjhelete, yena o tla di ja; ho jwalo le bakeng sa ya tswaletsweng tlung ya hae; bona ba tla ja dijo tsa hae. ¹²Ekare ha moradi wa moprista a nyalwa ke motho wa mofuta osele, a ke ke a hlola a eja dintho tse kgethehileng, tse hlahiswang ka tsokotso. ¹³Empa ekare ha moradi wa moprista e le mohlolohadi, kapa ya hladilweng, a se na bana, mme a kgutlela tlung ya ntatae ho dula teng jwaloka botjheng ba hae, o tla ja dijo tsa ntatae; empa ha ho moditjhaba ya tlang ho di ja. ¹⁴Ekare ha motho a eja dintho tse kgethehileng ka ho se tsebe, o tla busetsa ho moprista theko ya ntho eo e kgethehileng, mme o tla e ekeletsa ka bohlano ba yona. ¹⁵Baprista ba se ke ba hlompholla dintho tse kgethehileng tsa bana ba Iseraele tseo ba di hlahisetsang Jehova ka tsokotso; ¹⁶hobane kahoo ba ka ba jarisa boima ba sebe seo ba ka se etsang, ha ba eja dintho tse kgethehileng; hobane ke nna Jehova ya ba halaletsang. ¹⁷Jehova a bua le Moshe, a re: Bolella Aarone, le bara ba hae, le bana ba Iseraele kaofela, o re ho bona: