Levitike

²⁷Kgomo, nku, leha e le podi e tlang ho tswalwa, e tla dula le mma yona ka matsatsi a supileng; ho tloha letsatsing la boroba meno e le mmedi, le kamora lona, e tla dumellwa hore e hlahisetswe Jehova, e be sehlabelo se tjheswang ka mollo. ²⁸Empa ho makgomo le ho manku, le se ke la hlaba tswetse le ngwana yona ka tsatsi le le leng. ²⁹Etlare ha le hlahisetsa Jehova sehlabelo sa teboho, le se hlahise ka mokgwa oo se ka dumelehang ka wona. ³⁰Se tla jewa ka lona letsatsi leo, mme le se ke la bolokela hosasane eng le eng ya sona. Ke nna Jehova. ³¹Le boloke melao ya ka, mme le ye ka yona. Ke nna Jehova. ³²Le se ke la hlompholla lebitso la ka le halalelang, ke tle ke kgethehe hara bana ba Iseraele. Ke nna Jehova ya le halaletsang, ³³ya le ntshitseng naheng ya Egepeta, ke tle ke be Modimo wa lona. Ke nna Jehova.