Levitike

³⁰Motho e mong le e mong ya tlang ho sebetsa mosebetsi ka letsatsi leo, ke tla mo timetsa hara setjhaba sa habo. Le se ke la etsa mosebetsi le o mong. ³¹Ke molao o sa feleng oo le tlang ho ya ka wona meahong ya lona yohle, lona le ditloholo tsa lona kaofela. ³²Ho lona e tla ba Sabatha, letsatsi la phomolo; le tla hlomola meya ya lona; ho tloha mantsiboya a letsatsi la boroba mono o le mong ho isa mantsiboya a le hlahlamang, le tla boloka Sabatha ya lona. ³³Jehova a boela a bua le Moshe, a re: ³⁴Bolella bana ba Iseraele, o re: Ho tloha letsatsing la leshome le metso e mehlano la kgwedi eo ya bosupa, ho tla etsetswa Jehova ka matsatsi a supileng mokete wa Metlotlwane. ³⁵Ka letsatsi la pele, e tla ba phutheho e halalelang; le se ke la sebetsa mosebetsi le o mong. ³⁶Ka matsatsi a supileng le tla hlahisetsa Jehova mahlabelo a tjhesitsweng ka mollo. Ka letsatsi la boroba meno e le mmedi, le tla ba le phutheho e halalelang; le tla hlahisetsa Jehova sehlabelo se tjheswang ka mollo; e tla ba phutheho e phahameng; le se ke la sebetsa mosebetsi le o mong.