Levitike

⁵O se ke wa kotula matshwabodi a koro ya hao, mme o se ke wa kga ditholwana tsa merara ya hao e sa kang ya hlaolwa; e tla ba selemo sa phomolo ya masimo. ⁶Empa ditholwana tsa Sabatha ya masimo e tla ba dijo tsa lona, tsa hao le tsa mohlanka wa hao e motona, le tsa e motshehadi, le tsa lekgoba la hao, le tsa moditjhaba ya ikahetseng ha eno, ⁷le tsa makgomo a hao, le tsa diphoofolo tse naheng ya hao. Ho beha hohle ha yona e tla ba dijo. ⁸O tla bala dilemo tse supileng tsa diSabatha, o bale hasupa dilemo tse supileng, mme matsatsi a Disabatha tseo tse supileng e tla ba dilemo tse mashome a mane a metso e robileng mono o le mong. ⁹O tla letsa terompeta e mantswe a phepa ka kgwedi ya bosupa, ka letsatsi la leshome la kgwedi; ka letsatsi la dipheko, le tla letsa diterompeta naheng yohle ya lona. ¹⁰Le tla halaletsa jwalo selemo sa mashome a mahlano, mme le tla tumisa tokoloho naheng ya lona ho baahi ba yona kaofela; e tla ba Jubile ho lona. E mong le e mong wa lona o tla kgutlela lefeng la hae, e mong le e mong a kgutlele mofuteng wa hae. ¹¹Selemo seo sa mashome a mahlano e tla ba Jubile ho lona; le se ke la jala, le se ke la kotula matshwabodi a sona, le se ke la kga merara e sa kang ya hlaolwa.