Levitike

⁷Le tla lelekisa dira tsa lona, mme di tla dihuwa ke lerumo pela lona. ⁸Ba bahlano ho lona ba tla lelekisa ba lekgolo, ba lekgolo ho lona ba tla lelekisa ba dikete tse leshome; mme dira tsa lona di tla dihuwa ke lerumo pela lona. ⁹Ke tla nne ke le tadime, ke le atise, ke le ngatafatse, mme ke tla tiisa selekane sa ka le lona. ¹⁰Le tla ja dikotulo tsa kgale, mme le tla tlosa tsa kgale ho suthela tse ntjha. ¹¹Ke tla nne ke ahe hara lona, mme Moya wa ka o ke ke wa tenwa ke lona. ¹²Ke tla itsamaela hara lona, ke be Modimo wa lona, lona le be setjhaba sa ka. ¹³Ke nna Jehova, Modimo wa lona, ya le ntshitseng naheng ya Egepeta, le tle le se ke la hlola le eba bahlanka ba bona; ke robile joko e neng e le imela, mme ke le tsamaisitse ka hlooho tse leletseng.