Levitike

²⁵Bolella Aarone le bara ba hae, o re: Molao wa sehlabelo sa sebe ke wona ona: Sehlabelo sa sebe se tla hlajwa pela Jehova, nqalong eo setjheso se hlabelwang teng; ke ntho e halalelang haholo. ²⁶Moprista ya se hlahisang bakeng sa sebe, o tla se ja; se tla jelwa nqalong e halalelang, lebaleng la tente ya pokano. Ya ka amang nama ya sona, o kgethehile. ²⁷Mali a mang ha a ka hasa seaparo, seaparo se hasitsweng se tla hlatsuwa nqalong e kgethehileng. ²⁸Pitsa ya letsopa e se apehileng e tla bolawa, mme ha se apehilwe pitseng ya koporo, e tla kutlulwa, e ntoo hlatsuwa ka metsi. ²⁹Ba batona bohle hara baprista ba tla se ja; ke ntho e halalelang haholo. ³⁰Empa ho ke ke ha jewa sehlabelo sa sebe leha se le seng seo madi a mang a sona a iswang tenteng ya pokano, ho etswa pheko sehalalelong: se tla tjheswa ka mollo.