27 Ya ka jang madi afe le afe, motho eo o tla kgaolwa setjhabeng sa habo.
28 Jehova a bua le Moshe, a re:
29 Bolella bana ba Iseraele, o re: Ya tlang ho hlahisa sehlabelo sa hae sa teboho ho Jehova, o tla tlisa ho Jehova nyehelo ya hae e nkilweng sehlabelong sa hae sa teboho.
30 O tla tlisa ka matsoho a hae tse tlang ho tjhesetswa Jehova; o tla tlisa mafura le sefuba, sefuba se tle se tsokotswe pela Jehova.
31 Moprista o tla tjhesa mafura aletareng, mme sefuba e be sa Aarone le bara ba hae.
32 Mahlabelong a lona a teboho, le tla nea moprista letsoho le letona, a le hlahise ka kemiso.
33 Hara bara ba Aarone, ya tlang ho hlahisa ho Jehova madi le mafura a sehlabelo sa teboho, letsoho le letona e tla ba kabelo ya hae.