Levitike

¹Jehova a bua le Moshe, a re: ²Nka Aarone le bara ba hae, le diaparo, le ole ya tlolo, le pohwana ya sehlabelo sa sebe, ³le dipheleu tse pedi, le seroto sa mahobe a se nang ditomoso, mme o biletse monyako wa tente ya pokano phutheho kaofela. ⁴Moshe a etsa kamoo Jehova a mo laetseng kateng, mme phutheho yohle ya phuthehela monyako wa tente ya pokano. ⁵Yaba Moshe o re ho phutheho: Ke sena seo Jehova a laetseng ho se etsa. ⁶Yaba Moshe o atametsa Aarone le bara ba hae, mme a ba hlatswa ka metsi, a apesa Aarone kojwana; ⁷a mo tlama ka senyepa, a mo apesa kobo, a mo apesa le efoda, eo a e tlamileng ka senyepa se homilweng se efoda eo a mo apesitseng yona.