Levitike

¹²A ntoo hlaba setjheso; bara ba Aarone ba mo tlisetsa madi, mme a a tshollela aletareng ka nqa tsohle. ¹³Ba mo hlahisetsa setjheso se diretsweng ka dikarolo tsa sona, le hlooho, mme a di tjhese aletareng. ¹⁴A hlatswa diteng le ditlhako, mme a di tjhesa hodima setjheso, aletareng. ¹⁵A ntoo hlahisa sehlabelo sa setjhaba; a nka phooko ya sehlabelo sa sebe sa setjhaba; a e hlaba, a e etsa sehlabelo sa sebe, kamoo a neng a entse sa pele kateng. ¹⁶A etsa setjheso, mme a ya ka molao wa teng. ¹⁷A hlahisa nyehelo, a qotsa ho yona ka seatla, a e tjhesa aletareng kantle ho setjheso sa hosasa. ¹⁸A hlaba kgomo le pheleu, e be sehlabelo sa teboho bakeng sa setjhaba; bara ba Aarone ba mo tlisetsa madi, mme a a tshollela aletareng ka nqa tsohle.