Levitike

⁵Yaba ba tlisa monyako wa tente ya pokano tseo Moshe a di laetseng; phutheho kaofela ya atamela, ya ema pela Jehova. ⁶Moshe a re: Ke tseo Jehova a di laetseng; di etseng, mme kganya ya Jehova e tla iponahatsa ho lona. ⁷Moshe a re ho Aarone: Atamela pela aletare, o etse sehlabelo sa hao sa sebe, le setjheso sa hao; o etse le pheko ya hao le ya setjhaba; o etse le setjheso sa setjhaba, le pheko bakeng sa sona, kamoo Jehova a laetseng kateng. ⁸Yaba Aarone o atamela pela aletare, mme namane a e hlabela sehlabelo sa sebe. ⁹Bara ba Aarone ba mo tlisetsa madi; a qopetsa monwana wa hae mading, a a bea manakeng a aletare; a ntoo tshollela fatshe aletareng madi a setseng. ¹⁰Mafura, le diphio, le mafura a kguto a katlasa sebete, a sehlabelo sa sebe, a a tjhesa aletareng, kamoo Jehova a neng a laetse Moshe kateng. ¹¹Nama le letlalo a di tjhesetsa kantle ho diahelo.