6 Thatohatsi ya ka, o motle hakakang, o rateha hakakang ka dikgahliso tsa hao!
7 Boemo ba hao eka ba sefate sa palema, matswele a hao eka masihla a sona.
8 Ka re: Ke tla hlwella hlorong ya sefate sa palema, ke itshwarelle ka makala a sona a lepeletseng. Matswele a hao a ke a be jwaloka masihla a morara, monko wa phefumoloho ya hao o be jwaloka wa apole;
9 molomo wa hao o be jwaloka veine e monate e phallelang ho moratuwa wa ka, e buisang melomo ya ba robetseng.
10 Nna ke wa moratuwa wa me, lerato la hae le lebile ho nna.
11 Tloo, moratuwa wa me, a re ye masimong, re dule metsaneng.
12 Meso ha e etla, re tla ya dirapeng tsa merara, re be re bone ha merara e mela, ha e se e fina masihla a yona, ha difate tsa kharanata di thuntse; teng ke tla o bontsha lerato la me.