11 Magniningning ang sinag mo sa buong daigdig,buhat sa malayo, maraming bansa ang lalapit sa iyo.Jerusalem, ang iyong ilaw ay magliliwanag sa buong daigdig,kaya't lalapit ang mga tao at pararangalan ang Panginoong ating Diyos.May taglay silang mga kaloob para sa Hari ng kalangitan.Sa mga lansangan, maraming lahi ang aawit at magpupuri.Sa habang panahon ang iyong pangalan ay mananatili.
12 Ang magsasalita ng laban sa iyo'y tatanggap ng sumpa,gayundin silang nagwasak sa iyo at ng iyong muogsilang nagbagsak ng iyong mga tore, at nanunog ng inyong tahanan;ngunit ang lahat ng nagparangal sa iyo ay pagpapalain kailanman.
13 “Magalak ka, Jerusalem, dahil sa mga taong matuwid.Mula sa bansang pinagbihagan, sila'y titipuning mulipara purihin ang Panginoong walang hanggan.
14 Ang mga anak mong sa umiibig sa iyo ay dapat magalak;magalak nga sila sa iyong pag-unlad.Magalak din silang sa kahirapan mo'y pawang nalulumbay,silang nalulungkot sa iyong tinamong mga kahirapan.Ang kagalakan mo'y magdudulot sa kanila ng tuwang walang katapusan.
15 “Pupurihin ko ang Panginoon, ang dakilang Hari,
16 muling itatayo ang Jerusalemat dito siya tatahan magpakailanman.Ako'y magagalak, Jerusalem,kung may matitira sa aking angkan; kung makikita nila ang iyong kaningninganat magpupuri sila sa Hari ng kalangitan.Ang gagamitin sa mga pader mo'y mahalagang bato,at lantay namang ginto ang mga tore at tanggulan mo.
17 Ang mga lansangan ng lunsod na ito ay lalataganng batong hiyas, ng rubi at ofir na pawang kumikinang.