3 “Kayong Israelita, papurihan ninyo ang Diyossa harap ng mga bansang bumihag sa inyo.
4 Doo'y ipinakita sa inyo ang kanyang kapangyarihan.Siya ay purihin ng bawat nilalangpagkat siya'y ating Panginoon at ating Diyos, ating Ama magpakailanman.
5 “Pinagdusa man kayo dahil sa inyong kasalanan,ngunit kahahabagan din niya kayo, at muling ibabalik sa inyong tahananmula sa mga bansang umalipin sa inyo.
6 “Kung buong puso kayong manunumbalikat magiging masunurin sa kanya,kayo'y babalikan niya at kakalingain,at hindi na siya magkukubli sa inyo.Kaya ngayo'y alalahanin ninyo ang ginawa ng Diyos,at isigaw ninyo ang pasasalamat sa kanya.Purihin ang Panginoon ng katarungan!Parangalan ang Haring walang hanggan![Maging sa bansang pinagtapunan sa akin,pupurihin ko ang Panginoon.Maging sa bansang makasalana'y dadakilain ko siya.Talikuran na ninyo ang inyong mga kasalanan at mamuhay kayo nang karapat-dapat sa harapan niya.Kung magkagayon, ang habag ng Panginoon ay inyong madarama.
7 “Pinupuri ko ang aking Diyos at nagagalak ako sa kadakilaan niya;lubos kong pararangalan ang Hari ng kalangitan.
8 “Hayaang ihayag ng lahat ang kadakilaan niya,at doon sa Jerusalem siya ay papurihan.
9 “Ikaw, Jerusalem, lunsod na banal ng Diyos,paparusahan ka niya dahil sa kasalanan ng iyong mga mamamayan,ngunit mahahabag siya sa mga gumagawa ng may katapatan.