Unumeri

²⁷Ngalokho abakhulu ngezaga basho bathi:“Wozani eHeshiboni; makwakhiwe,umuzi kaSihoni umiswe; ²⁸ ngokuba umlilo uphumile eHeshiboni;ilangabi livelile emzini kaSihoni;liqedile i-Ari lakwaMowabi nabakhe emadulini ase-Arinoni. ²⁹Maye kuwena Mowabi!Niphelile, nina bantu bakaKemoshi;unikele amadodana akhe abe ngababaleki,namadodakazi akhe athunjwe kuSihoni inkosi yama-Amori. ³⁰“Sibacibishele;iHeshiboni liphelile kuze kube seDiboni;sichithile kuze kube seNofa elingaseMedeba.” ³¹Kanjalo u-Israyeli wahlala ezweni lama-Amori. ³²UMose wathuma ukuhlola iJazeri, bathatha imizi yalo, baxosha ama-Amori ayelapho. ³³Baphenduka, bakhuphuka ngendlela yaseBashani; u-Ogi inkosi yaseBashani waphuma, wabasukela, yena nabo bonke abantu bakhe, ukuyokulwa ngase-Edireyi.