Unumeri

⁸UJehova wathi kuMose: “Zenzele inyoka enesihlungu, uyibeke ensikeni; kuyakuthi yilowo nalowo olunywayo, lapho eyibheka, uyakusinda.” ⁹UMose wenza inyoka yethusi, wayibeka ensikeni; kwathi lapho inyoka imlumile umuntu, uma ebeyibheka inyoka yethusi, wasinda. ¹⁰Abantwana bakwa-Israyeli bahamba, bamisa e-Oboti. ¹¹Basuka e-Oboti, bamisa e-Iye Abarimi ehlane elingaphandle kwelakwaMowabi ngasempumalanga. ¹²Basuka lapho, bamisa esiGodini saseZeredi. ¹³Basuka lapho, bamisa ngaphesheya kwe-Arinoni elisehlane, elivela emkhawulweni wama-Amori, ngokuba i-Arinoni lingumkhawulo welakwaMowabi, phakathi kwelakwaMowabi nama-Amori. ¹⁴Ngalokho kuthiwa eNcwadini yeziMpi zikaJehova:“IVahebi laseSufa,nezigodi zase-Arinoni,