17 Soos ’n sterk hand wat my uit diep, donker water pluk, gryp U my en lig U my uit.
18 My vyande was te sterk vir my, maar die Here het my gehelp. Hy het my gered van die mense wat te magtig vir my was.
19 Toe hulle my aanval en ek diep in die moeilikheid was,was die Here daar om my te help.Hy het my gehelp dat ek nie ondergaan nie.
20 Daarom het Hy my na ’n veilige plek toe gevat. Hy het my gered omdat Hy my liefhet.
21 Ja, Hy het my gered. Hy beloon my omdat ek reg gelewe het. Ek was onskuldig.
22 Omdat ek graag doen wat Hy van my vra, het Hy my gehelp.Omdat ek nie verkeerde dinge gedoen het nie, het die Here mooi vir my gesorg.
23 Ek het die reguit pad van die Here geloop. Ek het alles gedoen wat Hy my beveel het.